2013年12月29日 星期日

深宵小巴

前文「肯與你捱麥記的女人」,介紹一段青年人製作的熱播短片,姑勿論你同意它的製作理念與否,我認為它確實反映了現在青年眼中的經濟窘境。

網絡已經成為發表意見的高效媒介,那短片把一篇熱門網文製成影像,顯示另類的創作途徑。

月前有人用手機拍到在小巴上一雙男女吵架,最後男爆粗罵女:「正一臭 X!」誰知道女冷冷地回敬一句:「臭你又舐?」 一時之間,這片段和討論轉發,也是十分熱烈。有人因這句話為靈感,發展出一個網上故事,又被取材製成14分鐘的短片。


我做中學生時,也參與過電影發燒友製作8米厘實驗電影project,那時資源和設備跟現在差得遠,很多限制,效果不理想,現在可不同了,這些網絡微電影,做得中規中矩。

這段標題「深宵小巴」的短片,主題不單是用「臭你又舐」這警句來博君一笑,與「一生尋找肯與你捱麥記的女人」相仿,不乏社會意識,是講收入微薄的港男,不得已跟父母住公屋、買不起樓、結不成婚,給女友家長橫施白眼、奚落到盡的故事:



.....................

43 則留言:

  1. 重估你歲晚收爐,man! 反映現實“小”電影及一句“精警”對白就令你提早開爐了!!

    回覆刪除
    回覆
    1. 無,我話不會日日出文吧了。

      刪除
  2. 反映現實。最後的字幕,要有點心邪才會看明白!

    回覆刪除
  3. " 男爆粗罵女:「正一臭 X!」誰知道女冷冷地回敬一句:「臭你又舐?」 " 所以話呢, 在這個網絡年代, 一班偽中產對WTF大驚小怪, 到「老姆西」時, 泛民政客特首都參加玩埋一堆, 不過是幾個月時間之內發生, 所以現在的90, 00後, 覺得班老餅簡直超現實

    回覆刪除
    回覆
    1. 我老豆80幾歲都學上網。

      刪除
    2. 咁各人家教標準唔同嘅。。。你家家教粗口橫飛代代相傳,咁人地家教亦可以唔接受粗口㗎嘛,係咪?

      刪除
  4. I feel so sorry for the young generation in Hong Kong. The pressure of buying a "a little tiny flat" , paying the sky high rent, looking for good education for their next generation, etc etc. What is the life quality after all? To work like a donkey so as to pay off the mortgage for the rest of their life? I think the government is to be blamed and ashamed for not providing an adequate desirable environment for their hard working citizens. The government and the housing estate join hands together to push the price of the flat. I can't say no more. I am so pessimistic about the future of HK but I sincerely hope for the best of people in HK.

    Rosemary

    回覆刪除
    回覆
    1. 現在好大鑊。
      買了貴樓的人不想樓價跌,如果像200X年時樓價跌幾成,許多人又變成負資產搵樓跳、燒碳。
      如果樓價穩定在目前的價位不變,也是大量八九十後買不到樓結婚,唯一希望是等承繼父母的物業---假如不是獨生子的的就慘了。
      抵抗樓價不跌甚至升的,只有望收入大幅增加;目前的情況,也是全無希望。

      刪除
    2. 近幾年買貴樓的人多是富豪,換樓或投資人士,比1997年買樓的中產人士不同,所以負資產的應不太多。

      刪除
  5. 確是反映社會現實〈極小部分?〉,但始終是低俗文化,不值得推廣。

    香港財政如此豐裕,點解糧震嬰呢個無能政府,唔可以好似新加坡咁,做到人人有大屋住。

    回覆刪除
  6. 「深宵小巴」午夜場反應良好,正場公映有望賣座(有同感).

    個男主角戇居兼自大(自悲),激到女友都有點看他不起. 女友媽媽係現實但是反應卻理性.

    回覆刪除
  7. 做人母親既一般都會為自家子女着想,女主角那位母親亦不是太過,男方係sales都算一份正常職業,揾唔揾到錢或揾到錢足夠錢成家立室係各有不同,但我想講就係呢對男女根本再係一齊就錯;事關大多女人受生理所限,當適婚兼生育年齡到達某一階段,想結婚係理所當然,但個個男朋友就理得妳死人冧樓,最好就(長期或短期)安於現狀,得閑行街睇戲及有人陪上床,直到佢想結婚或分手為止,咁勉強落去有何用,女既迫到個男真係同佢結婚又點,貧賤夫妻百事哀,女既唔想拖不如搵第二個,男既亦可繼續佢既吊兒郎當。

    個人來講並不話一定要有樓揸手先可結婚,租屋亦都可以考慮,新式政府公屋環境亦不差,問題係家下香港畸形社會,年輕在職青年,無經濟條件買樓,單一unit租金亦貴到難以負擔,輪候公屋資格又不符,居屋又停建,事實上真係前途全無,對香港好多年輕人來講係死路一條,假設繼續上街都爭取唔到香港自主前途,只有兩條路走,一係逆來順受,二係選擇移民。

    'cause Hong Kong is already dead.

    回覆刪除
    回覆
    1. 覺得目前香港樓價情況似 1997 年 ! 香港青年人包括我.. 私人樓是遙不可及的夢 (最少 200-400 萬).. i公屋又唔夠資格(要同新移民爭隊... 一係交市值租金 , 不符資格/入息審查) ,
      部分居屋價格仲貴過私人樓!

      最慘係夾心階層.. 香港會唔會似 93/94 年的移民潮 ? 大家看看

      刪除
  8. was trying to respond to Ka Chun, just above Alan Koon, but they system did not allow me. you were dead right, man; the city is dead, man!!!!!!!

    回覆刪除
  9. 布巿大嬏清晨6:00

    其實每個年代都有其苦處,我們這班五十後,出生一般貧窮,小時住貨倉,後住鐵皮木屋,一家七,八口住百呎房間。還記得上中學時候,每天行一小時才到學校,為了近家。中學派位,好學校都不敢填報。如果沒有獎學金,根本不可能有書讀,尤其是女孩子。還記得那個年代制水,每天擔水用,六七年暴動,介厳不許外出。我們經歷許多,因為人生有歷練,我們刻苦,勤勞,容忍,謙讓,有義氣。還記得弟弟當年做了公務員,被派往英國進修,除了省吃儉用,政府資助錢,餘下來,送給幼弟作放洋學費,還義助好友完成大學學位。
    放眼目下九十後,真係時代不同,極物質化,又唔肯活於現實,理想又高,自我自大,最重要自己!好錫身,唔肯捱,多抱怨。
    加上一個無能無恥的管治政府。又是強國經濟掘起,搵快錢機遇,要做到狠毒絕,無人性無天良,又不到家。

    我覺得活得最慘最辛苦,那群五十後父母,八,九十後不成材,心高氣傲,不肯苦龫,又要舒適生活。香港教育制度不好,壓力大,要放洋,邊個去英國,邊個去歐美,唔好輸,起碼去澳紐。酬學費。父母無能力供放洋,用自殺來要協。達適婚年,要結婚,唔該買間似樣房子,生了兒女,唔該照起全家。

    有個六十幾歲朋友,閒聊,以上一切做足了。有天兒子換車,問句亞老爸,方唔方便借幾十萬,老友為之氣結。

    回覆刪除
    回覆
    1. 時代變了,我們那時很窮,用雪條棍做飛機玩具,廿幾歲才第一次坐飛機;
      現在的小孩個個有手機玩;幾歲大就有父母帶去外國旅行;
      但是:
      我們那時可以憑考試成績入名校上大學,畢業出來有好工做,一開始2000元月薪,但升級容易和收入增長得快,做幾年工就有幾萬元做首期,八成按揭買太古城;有些朋友幾年就買一個單位,以租代供。
      現在呢,大學畢業生8000-12000,不養家自己都要用要食,還要還那十幾萬的助學貸款,一個月儲二三千也難,怎能有100萬的首期買樓?
      想落是現在的人也慘。

      刪除
  10. 布巿大嬏上午8:30

    最近有位舊同學女兒,為人聰敏勤力,留學布巿UQ,在這五年,一半讀書,一半工作,讀書成績很好,未畢業已有人請,做政府工,她full time job 太清閒,還做兼職!終於覺得布市生活節奏太慢,回港發展,舊同學告訴,女兒五年內,在澳儲了十幾萬澳幣!相等於百幾萬港元。最高紀錄兼五份職,全部正當職業!目下如此拼博肯捱青年實少見!

    回覆刪除
    回覆
    1. 有這麼好的孩子,人中龍鳳,不知道幾生修到。

      刪除
  11. 香港最大問題只是「住」貴,而香港人又被「寵壞」,住又要交通方便又要 affordable, 自己又唔爭氣讀書攞專業學位,咁就死喇!你肯住遠啲(=提早出門搭巴士返工),二,三百萬樓大把,公一份婆一份住住先然後慢慢再儲蓄第日換樓。。。你晌外國,除咗「住」可以較平外,你讀個文科大學畢業,你估搵好工易呀?絕大多數咪又係濕碎人工。。。唓!

    回覆刪除
    回覆
    1. 為什麼政府不降低入住公屋的入息限額呢 ?
      剛好把一批收入萬零蚊的後生仔, 趕去私樓市場, 成為政府的高地價, 地產商暴利, 銀行錢搵錢的最後接捧人

      刪除
    2. 入息限額隨現狀而定,人地 actuary 計過條數㗎,政府有限資源要適當「分備」㗎嘛。。。

      刪除
    3. 改錯:政府有限資源要適當「分配」㗎嘛。。。

      刪除
    4. 所以後生一代不信政府囉, 特別是近幾年, 政府管治拙劣, 以前的包裝紛紛露出馬腳, 特別是那個「廉署」神話破滅後

      刪除
    5. 「後生一代」唔信(不滿)政府全世界都係喇!淨係美國已嘈到拆天。。。有乜出奇?見怪不怪。。。

      刪除
    6. Horai 哥真係不知人間何世,係有大把二,三百萬樓呀,但亦有大把人冇二,三百萬呢。

      好多人都想公一份婆一份「住住先」呀,得就唔使大把人住喺劏房喇。

      阿壽都知「文科大學畢業」難搵工,問題係好多人唔係文科大學畢業,係「社會大學」畢業,做緊環保〈或叫收垃圾〉同物流〈或叫速遞〉呀。

      刪除
    7. 三百萬的樓,像我老家的佐敦舊區「文X樓」的50年樓吧?這些樓銀行不肯做按揭,想賣就俾現水。
      一係元朗屯門那些廿年樓,算你250萬,6成按揭,供15年,都要現兜兜拎100萬出來,跟住一個月供萬幾二萬銀,問你點頂?
      就算讀醫科,畢業出來唔憂無野做,一出來做政府醫生,一個月穩陣有五皮野,都供不起萬幾蚊一尺,賣六七百萬的細單位樓。

      刪除
    8. 喂,大佬呀,你大學專科畢業一出嚟做野就 expect 可以買屋呀?邊個唔係儲八九年錢省吃省用(先住屋企食屋企)先做到首期?香港通常結婚先自置物業,咁就計兩個人儲蓄喇係咪?噢,你要養埋老婆?家下乜年代呀,女嘅分分鐘搵多過你。。。乜話?你要養爹娘兄弟妹妹?咁冇得講喇,你個人負擔重我納稅人有義務要幫你置業?唔係吖嘛。。。我想問: I beg your pardon, whoever promised you a rose garden?

      刪除
    9. @匿名(3:10): 一分耕耘,一分收獲。香港樓大部分係港人腳踏實地努力打份工置嘅業(即唔係含金匙或炒家),人哋得,你唔得,你冇理由怨社會吖,又唔係前世欠你。。。

      刪除
    10. 大學畢業後就業,儲八九年會儲到100萬,我不知道你條數怎樣計。
      就算有人做到,不知道十個之中有無一個。

      刪除
    11. 興趣科就難啲,其餘律師會計建築電腦電機精算 Quantitative Finance ... 嘿嘿,査下薪水喇唔該。。。

      刪除
    12. 嗱,好大學好科好成績畢業係 40%,你個人亦要醒目(40%),最尾個 20%,運氣。加埋就 100% 決定你搵唔搵到高人工好工。

      刪除
    13. 做人要對自己負責任。你若生於香港長於香港,你肯讀書又肯捱冇話唔成功嘅。嗱,家庭負擔重或家庭複雜影響讀書嘅當然有,但少數。你有哂所有機會但冇善用,只想輕輕鬆鬆係咁意算畢業係咁意搵份工然後要其他納稅人資助你置業?你呢世租屋又會點?置業係一種投資,唔係必要,你冇錢買金條我哋大家要資助你去買金條保值?唓!

      刪除
    14. 唉 ! 在梁Sir50後的那一批, 甚或最後機會是那些60尾, 70頭的, H哥說的獅子山奮鬥仲行得通, 跟住的70尾80, 90後的已經冇呢支歌仔唱, 是資本錢搵錢的年代了

      有人話2003年樓市跌到谷底點解唔入市, 但你知唔知那些年經濟通縮, 大把人失業 ( 包括醫科畢業生 ), 大學生都冇法儲蓄呀, 過了幾年, 就大陸資金入市, 乜都係" 豪 "宅, 而且97之後, 幾乎乜工都是合約的, 包括政府公共機構的

      刪除
    15. @匿名(10:17): 我無謂同你拗專業人仕薪酬。。。我只問一句:俗語揶揄「人之患好為人師」,你冇樣叻咪做教師囉,咁你知唔知香港 CM, GM, APSM 起薪點幾多呀?佢地做 10 年野儲唔儲到 100 萬?你話呢?唉。。。

      刪除
    16. 「冇樣叻咪做教師囉」,你都係「冇樣叻」嘅教師教到你咁牙擦㗎。你有冇需要道歉呢。

      刪除
    17. " 你冇樣叻咪做教師囉,咁你知唔知香港 CM, GM, APSM 起薪點幾多呀?"

      邊有咁大隻蛤乸隨街跳, 冇背景好難做到的, 很多職位是內定了, 跟程序做下騷叫你去面試咋

      刪除
  12. 外國住平,係因為地大,咁香港冇計㗎喎。。。外國分巿區(= 租貴)郊區(suburb, 租較平),外國你揸車番巿區工,有 traffic 閒閒地 commute time 要以「小時」為單位計。。。香港小市民唔揸車,咁你計番搭巴士時間囉,咪一樣。。。

    回覆刪除
    回覆
    1. 據說在澳洲,駕車一小時上班是平常事〈即每天來回兩小時〉,在香港習慣短程地鐵上班,諗真住間大啲嘅屋都唔係咁盞。

      刪除
  13. 嗱,香港大學商科畢業(會計),月薪起薪當$15000,食屋企住屋企,三年後考到會計師牌,月薪二萬幾起到五萬幾(隨年資増長),你十年儲到幾多錢?

    回覆刪除
  14. //你十年儲到幾多錢?//
    査下實在薪水的單位喇唔該。

    回覆刪除
    回覆
    1. 我梗係以身邊圈子熟悉嘅人為參考依歸喇!你生活圈子識啲人個個環境逼人,命運坎坷呀?有冇咁黑呀?

      刪除
    2. 明白喇唔該。

      刪除