2016年1月11日 星期一

老闆炒伙記

老闆炒伙記

老闆炒伙記,而且只是一個基層僱員,平時根本不是新聞,居然也成為周日報紙的頭版。

因為老闆不是普通人,事件情況也有點特殊。



澳洲十大富豪第四位,子承父業的 Jamie Packer,身家約47億澳元(Forbes的估計),擁有無數生意,最矚目的是墨爾本的賭城 Crown Casino。

1月1日前他與一名高級職員,進入自己的王國,可能不單是公眾的遊玩地方,而是專用區域,兩人又沒有掛保安名牌和身份證明,掂行掂過,就給一名盡忠職守的保安員(香港人叫「石Q」)阻止。保安員有眼不識泰山,不知道二人是老闆和大老闆,堅決不准他們進入,終於釀成老闆罵僱員,甚至互相推撞的事。,


保安員當場被炒,香港人大概會說他「抵X死」,馬上會想到「即係長江實業總部大廈個石Q,居然連李嘉誠都唔識」,你新來架???


是的,這個被炒的保安員是敘利亞移民,不過來了澳洲已經25年。更奇怪的是,報紙報道,稱他為 Dr Iskandar Chaban。


據悉他是原居地的哲學博士,在澳洲找不到理想的本行工作,唯有做石Q,目前靠收入供樓和供兒子讀大學。他被炒後,情緒激動,回家途中暈倒,送院救治。


香港不准許律師「包攬訴訟」,用 No Win No Pay方法,為事主控告要求賠償金錢和精神損失,然後抽從賠償金之中抽取巨額,澳洲卻是完全合法的。這樣juicy的事件,大衛對歌利亞, 那些狀棍當然不會放過。


事後賭場集團明白此乃公關災難,公佈該事件只是微小的內部事件,很快就把他復職。


澳洲新聞報道


7 則留言:

  1. 復職?明知對方是哲學博士,還只是官復原職?

    一、這次事件錯不在保安,對方只是依公司規定辦事。一旦將來有人不守規矩隨便放行,到時又有理由炒人。我也曾做過保安,最憎呢d上司。我明知你是上司,但不守例無牌無申請照樣不准入樓,那時事後被迫寫甚麼垃圾報告,弱智。
    二、這間公司大材小用,不識泰山,如果另有高就的早早離開。弱智者做老闆,博士做最低層的食蕉,資源錯配。

    回覆刪除
    回覆
    1. 完全同意。既然定了規矩就應該天下共守之,話之你係老闆,咁先有制度。

      不過博士難搵工倒是真的,因為學術界位置少,大把人畢業即失業。

      刪除
  2. 看似簡單,這件事可以從多方面思考。

    回覆刪除
    回覆
    1. 絕對同意梁兄所言,又係老夫子所言一一耐人尋味!
      有幾點要清楚:
      點解唔俾佢入塲
      佢好似係外判工 (contract labor. not employee)
      發生地係人來人往的MAIN FLOOR,並沒有說明是專區
      無警察報告,無傷人報告 (當時無報警)
      回家途中不適入院(時間差別會很大,回家後或途中或聯絡過律師后)
      醫療報告,有無傷痕
      呢啲律師你同佢通過電話,好啦我代表你,咁你就無得甩身,有時大事主佢賣比大啲嘅律,先賺一筆
      律師一般一兩天就去信索水,唔俾錢就法庭見
      賭場咁多HOUSE LAWYER未驚過,不過㧓爛脚,手尾長
      當事者有FB專頁,老扳派你去果個埸,塲主都唔認得,大佬佢做咗兩年幾啦,做石Q唔認人?
      場主同MARIAH CAREY打得火熱

      上個月郭台銘係大陸廠房門口呌個工人唔好食煙,條大陸仔答佢,關你X事,你係邊個。

      刪除
  3. 呢單嘢,錯必在那弱智老細,以為低層員工,一定認得佢,其實有幾複雜,打電話叫個認得佢嘅經理出嚟,咪攪掂。

    「明知對方是哲學博士,還只是官復原職?」可能政治不正確,你係老細,請保安、收銀或侍應,一個午飯時,睇康德「Kritik der reinen Vernunft」的哲學博士,和一個篤手機的中學畢業生,問心嗰句,你請邊個。

    回覆刪除
    回覆
    1. >>>一個午飯時,睇康德「Kritik der reinen Vernunft」的哲學博士,和一個篤手機的中學畢業生,問心嗰句,你請邊個。

      唔使問,一定是僱(不是請,使Q尊重)哲學博士,事關老子有錢,博士都要睇我面口做人,幾威呀!

      況且呢個係移民,有高度教育背景都無用,文化不同,語言不同,思想各異,話就話移民時澳洲政府承認其資格,但當地就業市場就絕不開放,一係話你無當地工作經驗,一係話你無當地證書/資歷/學位/牌照...等等,大才小用簡直多如天上星星,雖然此類保護做法並非徹底不合理,例如醫護人員會牽涉人命,不過,放棄已有適當訓練高學曆及經驗人才,而不考慮設立相關輔助及認可程序,使移民才能經驗有所發揮,國有人才所用,直頭雙失。

      至於呢個二世祖 Jamie Packer,無計啦!佢老豆大把,大事化小,小事化無,除非事主個律師一流,否則多數庭外和解冚實單case,無事,無事,賭場繼續買定離手,開蒞-圍骰-莊家通殺!

      刪除
  4. 「A contract security officer, working inside the resort was radioed that one of Crown’s most important VIPs was approaching his position, but failed to recognise Mr Packer, moving in front of him to attempt to physically block him from entering the casino and causing a collision.」

    純粹靠估,博士可能聽錯,以為有條麻煩友,行緊埋嚟,常理推測,就算唔認得老細,都唔會冇喇喇 block 個普通人進入賭場。

    睇完條新聞片,真係服咗柏加,咁重口味,鍾意攪個豬牛混合體,我就頂唔住。

    回覆刪除